Për këtë janë shfrytëzuar kryesisht të dhënat fletës së titullit, por edhe të dhënat e përftuara nga hulumtime në burime të shumta informacioni brenda dhe jashtë librit. Me këtë logjikë janë përfshirë te Treguesi i autorëve edhe autorët dytësorë.
Epigrafet, citimet, dedikimet dhe elemente të tjera jobibliografike të kësaj natyre, sipas një praktike të njohur botërore, janë shmangur dhe, pavarësisht se kanë qenë të shtypshkruara në faqen e titullit, nuk janë përfshirë në përshkrim.
Kur kanë qenë në fletën e titullit, janë dhënë edhe të dhënat e botimit, si emrat e tipografëve, botuesve, editorëve etj. jo vetëm për shkak të parimit të regjistrimit fotografik të ndjekur në këtë bibliografi, por edhe të rëndësisë së tyre historike dhe kulturore.
