Në këtë zonë janë pasqyruar edhe të dhënat për përsëritjen e botimit, kryesisht numrat që tregojnë rendin e tij, ndryshimet, ripunimet, përmirësimet etj, në të.
Përdoruesi i kujdesshëm do të konstatojë që në këtë bibliografi nuk do të ketë një ndarje qartazi të termave të tillë si edicion dhe botim, për faktin që kemi nënvizuar më lart se pasqyrimi i të dhënave bibliografike ka ndjekur parimin e regjistrimit fotografik të tyre, siç janë paraqitur në fletën e titullit.
Në rast se nocionet edicion dhe botim dallohen qartazi në kulturën latine dhe atë anglo-saksone, në terminologjinë përkatëse në gjuhën shqipe ka konfuzion dhe pasaktësi në përdorimin e tyre, madje termi botim ngatërrohet me termin edicion.
