Gjithsesi, duart, krahët dhe këmbët mund të na japin informacione, nëse do t’i shihnim me kujdes. Kur dikush është duke gënjyer ose duke fshehur diçka, ai është i prirë që të shprehet më pak, me duart ose me krahët e tij.
Nëse ai është i ulur mund t’i vërë në prehrin e tij, nëse është në këmbë i mban anash (jo përpara); mund të fusë duart në xhepat e pantallonave ose t’i mbledhë (t’i bëjë grusht); mund të palosë gishtat që të mos shihen; ndërsa shprehja me gishta të hapur, zakonoisht është gjest sinqeriteti.
A ke vënë re, ndonjëherë, kur je i pasionuar pas asaj që je duke thënë, duart dhe krahët e tu lëvizin (shkunden) bashkë, për të theksuar dhe komunikuar entuziazmin tënd? Gjithashtu, a ke vënë re se kur nuk beson në atë që je dukë thënë, trupi yt e pasqyron këtë ndjenjë duke u bërë joshprehës (nuk shpreh entuziazëm)?
