Pas një “darke sqaruese” të organizuar nga produksioni i Big Brother Vip Albania, u duk se marrëdhënia mes Efit me Olta Gixharin u sheshua.
Dy vajzat u futën brenda dhomës me mllef të akumuluar ndaj njëra-tjetrës dhe dolën të buzëqeshura duke habitur banoret e tjere.
Pas gjithë kësaj situate, u duk sikur Efi u kthye në “anën” e Oltës dhe për këtë u duk paksa i bezdisur Luizi. Madje ai e shprehu këtë gjë edhe me Kiarën.
Mirëpo, mbrëmjen e djeshme, teksa po bisedonin në dhomën e gjumit, Efi ia bëri të qartë Luizit se Olta nuk mund ta manipulojë dot. Madje, ajo u shpreh me humor se është në grupin e tij.
“Ti në radhë të parë duhet të jesh budalla nëse mendon në ndonjë moment që mua mund të më manipulojë Olta. Kur konsideroj dikë mik, e konsideroj dhe pikë.
Këtë ta kesh parasysh. Unë jam “Grupi Lui”, përfundoi Efi duke treguar kështu publikisht se është totalisht në anën e këngëtarit.
