Sezoni i ri televiziv do të sjellë sërish në ekran programin që theu rekorde. Big Brother Vip Albania do të vijë me edicionin e tij të dytë. Teksa të gjithë janë në pritje, ende nuk është zbuluar asnjë detaj tjetër.
Por duket se na presin shumë surpriza, risi dhe ndryshime.
Ditën e sotme producentja Lori Hoxha ka vizituar zyrat e gjigandit mediatik “BBC” në Londër. Në profilin e saj në Instagram ajo ka zbuluar se arsyja e kësaj vizite është “Big Brother Vip Albania”. Edhe pse patenta e këtij formati i takon kompanisë “Endemol” në Hollandë, ndoshta Lori ka vizituar “BBC” për të na sjellë një frymë britanike në këtë edicion të BBV dhe pse jo për të përfituar nga përvoja dhe eksperienca e një gjigandi të tillë.
Entuziaste për këtë fakt është treguar edhe Sara Hoxha e cila teksa ka ri-postuar fotot e së motrës nga zyrat e “BBC” është shprehur shumë e emocionuar për atë që po vjen.
Më poshtë gjeni fotot që Lori ka ndarë me ndjekësit nga kjo vizitë, ndërsa ne jemi gjithë “sy e veshë” në zbulim të detajeve të reja.
