Luiz Ejlli dhe Olta Gixhari vendosën të bëjnë “paqe” gjatë xhirimeve të filmit “Në kuadër të dashurisë”, ku luanin rolin e një çifti.
Kimia e tyre ishte ajo që u komentua më shumë nga publiku, por edhe nga stafi krijues i filmit.
Megjithatë, përveç bashkëpunimit të suksesshëm të tyre, Luizi ende nuk i harron përplasjet e shumta që pati me Oltën gjatë qëndrimit në “Big Brother VIP”.
Në një intervistë të dhënë gjatë premierës së filmit në Shkodër, Luizi tha se nuk harron kurrë atë që ka kaluar, por shtoi se ai dhe Olta janë bërë bashkë për të sjellë diçka të bukur.
Kujtojmë se së fundmi vetë dy protagonistët na kanë lënë të kuptojmë se marrëdhënia mes tyre është prishur sërish.
Pas pjesëmarrjes së Luizit në DWTS, ku u vu re se ai nuk komunikonte fare me Oltën, kjo e fundit ka dhënë edhe një intervistë, ku i pyetur për marrëdhënien me këngëtaren, nuk ka pranuar të përgjigjet.
