Për’puthen është cilësuar prej tashmë 3 sezonesh si një nga emisionet më të ndjekur dhe që ka thyer shumë tabu.
Ky sezon i ri i tij do të vijë me ndryshime rrënjësore në format dhe gjithashtu në studio.
Përpara disa ditësh është konfirmuar zyrtarisht se moderimi i është besuar Ori Nebijajt, ndërsa kurioziteti rritet se kush do të jenë konkurrentët e emisionit të dashurisë.
Mirëpo Olsa po shton akoma më tepër kuriozitetin këtë herë për pamjen e studios së re.
Ajo ka postuar disa video në Instastory, ku tregon emocionet që po përjeton, ndërsa ditën e sotme do të realizojnë provat gjenerale.
“Sot jam shumë e emocionuar. Tani po shkoj në Top Channel dhe kemi provat gjenerale të studios së re të Përputhen.
Do ta shohim për herë të parë sot sesi do të duket në ekran, e ndriçuar dhe e bukur siç është. Të hënën nisim Për’puthen 4 jam shumë e emocionuar dhe mezi po pres”, është shprehur autorja e programit.
