Mënyra e largimit të Olsit Bylykut nga shtëpia e “Big Brother Vip” u komentua jo pak në rrjet.
Në momentin që emri i tij u përmendi nga Ledion Liço për të lënë garën, në fytyrën e Olsit u lexua një habi që na la të kuptojmë se nuk e priste aspak eleminimin e tij.
Më pas, aktori vendosi të hiqte nga Instagrami produksionin, duke përfshirë këtu Ledionin, Sarën, por edhe faqen zyrtare të BBV.
Olsi vendosi mos të paraqitej as në “Fan Club” duke mos i dhënë asnjë sqarim produksionit.
E tashmë ai është bërë ‘i gjallë’ tek ka bërë postimin e parë pas daljes, që duket mjaft tendecioz dhe thumbues.
Spektaklin e kaluar Ledioni vendosi ta mbyllë me shprehjen “Kolonjar festen mënjanë, Pilon gjetën, Pilon vranë”, ndërsa Olsi vendosi që në përshkrimin e fotos të shkruajë “Pilo është konfidencial”.
Mos ndoshta Olsi, duke e vënë veten në vend të ‘Pilos’ (që produksioni atë gjeti e atë ‘vrau’), do të na lërë të kuptojmë se ai qëndroi konfidencial dhe vendosi që gjërat e tij t’i mbante sekret, ndryshe nga ç’priste produksioni?
