Ndonëse nën efektin e pijes, Olta gjatë një bisede me Dean, ka thënë para kamerave që nëse del edhe Luizi bashkë me Kiarën të shtunën, do t’i thotë të tërhiqet edhe të dalë ajo.
Sipas Oltës, Luizi është i prerë për të bërë Big Brother dhe meriton të rrijë më shumë se ajo.“Nëse del ai mua më vjen shumë keq.
Ai është i lindur për këtë lojë. Nëse ai del, unë do t’i them të tërhiqet se do të dal unë. Nëse del Kaira, del dhe ai, do të dal unë. (Drejtohet nga kamera) Votoni që të dal unë! Luizi meriton të rrijë këtu.”, tha Olta.
Mbrëmjen e kaluar, u zhvillua një votim paraprak, për të parë se cilën mes Kiarës dhe Oltën, duan banorët në shtëpi.Të gjithë banorët, përveç Kiarës dhe Oltës, shkuan në dhomën e rrëfimit dhe dhanë një emër një arsye pse dëshironin që njëra nga vajzat të dalë të shtunën.
8 banorë votuan që Olta të dalë nga shtëpia, ndërsa 4 të tjerë votuan për Kiarën. Kjo e fundit nuk i priti mirë fjalët e Oltës dhe Kristit, të cilët thanë se Kiara nuk bën lojë në shtëpi dhe se ka dhënë më pak në këtë format, krahasuar me Oltën.
Në mbrëmjen pas spektaklit, ku banorët dolën në oborr për të shijuar këngët që u luajtën nga dy Dj e njohur Pm dhe Dagz, Kiara foli me Kristin dhe Oltën, për tu sqaruar lidhur me argumentin që ata dhanë, për lojën që ajo po bën në shtëpi.
