Moderatori dhe opinionisti i njohur, Arjon Muca, ka qenë i ftuar ditën e sotme ne “E Diell” te “Top Channel”, ku u bë pjesë e disa lojërave.
Në një lojë përballë dy motrave Zyba, Laureta dhe Rrushe, Arjonit iu kërkua të thoshte nga një cilësi te mire dhe nga një te keqe për Bora Zemanin, Arbana Osmanin dhe Ardit Gjebrean me të cilët ai ka patur rastin t’i njoh nga afër dhe të punojë.
Përsa i përket Bora Zemanit, Arjoni tregoi se është një person që punon fort dhe e do karrierën, mirepo një anë negative e saj është se nuk të përshëndet kur hyn në studio.
Për Arbana Osmanin u shpreh se është një moderate absolute, mirëpo duket se Arjoni kishte një hatërmbetje të vjetër me të.
Në kohen kur Arjoni do të bëhej pjesë e formatit “Big Brother”, Arbana nuk ka shkuar ta takojë dhe të bisedojë me të në dhomën e hotelit ashtu siç bëri me çdo person tjetër që do të merrte pjesë në BB.
Ndërsa përsa i përket Ardit Gjebreas, Arjoni tregoi se është një nga njerëzit dhe moderatorët më të mirë që ka njohur në jetën e tij, mirëpo ana negative sipas Arjonit është se Arditi nuk i mban bashkëpunëtorët për shume gjatë pasi do që vetëm ai ta ketë rolin e liderit.
