Me shfaqjen e saj në serialin “Hostel by Anabel”, Megi Pojani u kthye brenda një kohe shumë të shkurtër në një nga vajzat më të komentuara në median rozë dhe më të ndjekurat në rrjetet sociale.
Edhe pse bashkëpunoi për gjatë me Dalina Buzin, vajzat u shkëputën papritur dhe asnjëherë nuk shpjeguan se çfarë ndodhi mes tyre edhe pse flitej për një sherr.
Mirëpo pas dy vitesh me sa duket akulli është shkrirë dhe Megi Pojani e Dalina Buzi kanë filluar të ndjekin sërish njëra-tjetrën në Instagram.
Lajmi për pajtimin mes tyre vjen pas një videoje të publikuar nga faqja e emisionit “Goca dhe Gra”, ku Dalina është bashkëmoderatore dhe Megi është e ftuara e radhës, teksa kjo e fundit shprehet se do të ketë të papritura.
Mbetet për t’u parë sonte në darkë në orën 21:00 se çfarë do të ndodhë në studio megjithëse raporti mes tyre është normalizuar.
Kujtojmë se Dalina është një nga 4 moderatoret e “Goca&Gra”, bashkë me Fatmën, Rita Petron dhe Armina Mevlanin. Ky është emision i përjavshëm.
