Mbrëmjen e djeshme gjatë spektaklit të “Big Brother VIP” ishte rradha e Dea Mishel për t’u vënë përballë kutisë së Pandorës.
Lajmi i mirë për Dean ishte se do të mund të takonte gjyshen, e cila e priste në oborr, ndërsa lajmi i keq ishte se ajo duhet të vendoste për takimin e një prej banorëve të tjerë me të afërmin e tyre.
Së bashku me gjyshen e Deas, në oborr gjendeshin edhe dy të afërm të tjerë, të Keisit dhe Armaldos, për të cilët do vendoste Dea se kush prej tyre do të mund t’i takonte.
Përpos situatës emocionuese që u krijua në atë moment, nuk kaloi pa u vënë re edhe një lëvizje e dyshimtë e Deas dhe gjyshes së saj.
Kjo e fundit i kishte sjellë një letër, të cilën ja dha dorazi e më pas Dea e fshehu tek tavolina e ushqimeve që gjendej në oborr.
Pra, një tjetër thyerje rregullash dhe informacion nga jashtë ndodhi në “Big Brother VIP” për të cilën nuk dihet nëse “Vëllai i madh” do të marrë apo jo masa.
