Në një intervistë në emisionin “Ora News”, ish-konkurrenti i ‘Për’puthen’, Gerti Gjici, ndau detaje rreth ndarjes me Saide Buzi.
Gerti zbuloi se ndarja u shkaktua nga tradhtia e Saides me këngëtarin e njohur, Noizy. Ai tregoi se gjatë kohës që ishin bashkë, ai zbuloi një mesazh të dyshimtë në telefonin e Saides, të cilin ajo më pas e mori shpejt për të fshehur komunikimin.
Gerti tha se në mesazh kishte lexuar një pjesë ku përmendej: “Si u ndjeve për atë që bëre”, dhe përgjigja e Saides ishte “Absolutisht mirë”.
Ai shpjegoi se pas kësaj situate, ku ishte e qartë se po flitej për Noizyn, vendosi të mos e toleronte tradhtinë dhe i kërkoi asaj të kthehej në Shqipëri.
Gerti theksoi se e ka ende videon që e vërteton tradhtinë dhe e ruan si provë. Ai shprehu qartë se nuk mund të pranonte tradhtinë në një lidhje, dhe ky ishte vendimi që e çoi në ndarjen përfundimtare me Saiden.
“E kam vërtetuar me video. Ditën që u ndava në mëngjes i mora telefonin dhe po fliste me një person të lidhur me Noizyn. Në momentin që e lexova Saidja e mori telefonin menjëherë dhe nuk munda ta lexoja të gjithën. Kam lexuar: “Si u ndjeve për atë që bëre”. Dhe ajo tha: “Absolutisht mirë”.
Doja të shikoja se për çfarë bëhej fjalë, normal që quhej Noizy. Ajo mori telefonin tim. Ajo më thoshte ‘jo nuk është asnjë’. Më jep telefonin, i thashë. Jo, nuk e jap telefonin.
Këto janë tek video dhe e kam akoma save, e kam këtu. Ajo më thoshte nuk është asnjë, çfarë rëndësie ka për ty se kush është personi më thoshte. Pas kësaj i thash kthehu në Shqipëri, unë nuk pranoj dot të rri me ty. Tradhëtinë nuk e pranoj dot”, tha Gerti.
