Fjoralba Ponari, shpeshherë ka folur mbi situatave dhe ngjarjeve në “BBVA”, duke mos i kursyer edhe kritikat për sjelljet e banorëve.
Si fillim, po iu rikujtojmë pak se çfarë ndodhi mbrëmjen e djeshme.
“Deas iu dha një zarf surprizë nga produksioni, ku mund të nxirrte në nominim tre banorë dhe ajo tha emrat e Luizit, Kiarës dhe Efit, duke përçarë kështu grupin e tyre. Pas nominimit, publiku vendosi që shtëpinë ta linte Efi dhe kjo solli një sërë komentesh dhe kritikash ndaj zgjedhjes së Deas.”
Kalojmë te postimi i Fjoralbës:
“Reagimet histerike në turmë nga njerëzit jashtë kundrejt “lojës” së djeshme (ku e kemi konstuatuar tanimë që justifikoni çdo gjë/ s’ka rregulla e më the e të thashë, kur u leverdis), me gjuhë urrejtjeje, ndëshkime e denigrime të sugjeruara në forma nga më mesjetaret, janë shokuese…janë shuplaka më e fortë për të gjithë ata njerëz që kontribuojnë që ky vend të bëjë para drejt vlerave njerëzore.
Edhe mos u lodhni kot të replikoni se s’ma ndien hiç për lojën aty brenda, po flas për ku që jeni me pult e me telefon në dorë; për po ju, që bëni si të habitur e të trishtuar në kronikat e zeza që janë të mbushura me vrasje të grave. Ju vetë, i vrisni nga pak çdo ditë”.
Disa ditë më parë, ajo ka bërë edhe disa postime në Twitter, ku thoshte:
“Meqë doni qëndrimet e mia në lidhje me “BBVA”:
E para, s’kam për të adresuar më asgjë seriozisht, për sa kohë aty është vënë një taban i shëmtuar dhe çdo gjë, si nga banorët/ produksioni dhe të gjithë ju me reagimet tuaja histerike, keni zgjedhur të justifikoni çdo gjë nën petkun e lojës”, shkroi fillimisht Fjoralba.
Më tej, vijoi:
“Lufta ime me vërtetësinë e problematikave jashtë, do të vazhdojë njësoj, si para/gjatë, apo pas “Big Brother Vip Albania”, sepse e kam bërë/ e bëj/ do ta bëj për parimet e mia dhe jo për hatër të filanit apo fistëkut, sa për numër”.
Për ta përmbyllur qëndrimin e saj, moderatorja u shpreh:
“Dhe tjetra: Edhe kur të vendos të reagoj për ato brenda në formën që përmenda, do ta bëj sepse dua unë, sepse kam kohë unë dhe nerva unë, jo ju”.
