Pas një sezoni të suksesshëm në sezonin e parë të “Big Brother VIP”, pritej që edhe këtë sezon Balina Bodinaku të ishte opinioniste e programit, por që nuk ndodhi kështu
Ajo u zëvendësua nga Zhaklin Lekatari, e cila gjithashtu po e bën detyrën e saj më së miri.
Megjithëse kurrë nuk e morëm vesh arsyen konkrete pse Balina nuk qe pjesë e këtij edicioni, të paktën morrëm vesh konkurrentin më të fortë sipas saj.
Ajo ka postuar një video në rrjetet sociale, ku ka komentuar vetëm dy banor: Olta Gixharin dhe Luiz Ejllin. Këtë të fundit ajo e cilëson ndër të tjera si banorin më të fortë të BBV 2.
“Luizin do ta quaj lojtarin më të fortë të shtëpisë së “Big Brother”, ndoshta më i forti që ka hyrë ndonjëherë në “Big Brother”, për arsyen e thjeshtë sepse mua më duket se atij loja i vjen shumë natyrshëm. Ai lojën e ka në gjak, është shumë i qetë, ka shumë durim, nuk merr asgjë personale, asgjë nuk është më e rëndësishme për të se sa qëllimi për të cilin ai ka hyrë aty brenda. Super i fokusuar, pavarësisht se nuk duket dhe gjithçka e bën me lehtësinë më të madhe, pa hequr asgjë nga ajo që ai është, Luizi që njohim jashtë”- shprehet Balina.
