Ish-banori i “Big Brother VIP Albania”, Klajdi Musabelliu, ka ndarë mendimin e tij lidhur me një nga debatet më të diskutuara në shtëpinë më të famshme të momentit.
I ftuar në “Big Brother Radio” me Elona Duron, ai komentoi situatën mes Gerta Gixharit dhe Gjestit, duke u shprehur se veprimi i saj nuk kishte qëllim të keq.
Sipas Klajdit, Gerta është një person i sinqertë dhe nuk ka tendenca negative në sjelljen e saj.
“Gerta s’e ka bërë për të keq. Nuk është e ligë ajo. E ka zemrën si sytë të pastër, të çiltër. Nuk e di tamam si ndodhi gjëja. Gerta nuk është e keqe. Gerta është shumë e vërtetë edhe e sinqertë”, u shpreh ai.
Ndërsa për një tjetër konkurrent, Laertin, Klajdi mendon se ai nuk po sillet natyrshëm.
“Laerti nuk është vetvetja, ma konfirmoi edhe Rozana në shpellë. Ai ka zgjedhur ta interpretojë kështu personazhin””, shtoi ai.
Duke qenë një ish-banor i “Big Brother VIP”, Klajdi e kupton më mirë dinamikën dhe presionin e lojës. Megjithatë, ai shprehu bindjen se publiku do të dijë të dallojë mes lojës dhe realitetit.
