Janë përcjellë për në banesën e fundit nëna 25-vjeçare dhe djali i saj 6 vjeç, që humbën jetën ditën e djeshme në qytetin e Beratit. 25-vjeçarja ishte duke udhëtuar me një automjet tip “Benz ML”, kur papritur humbi drejtimin e mjetit dhe përfundoi në lumë.
Nëna dhe djali nuk shpëtuan dot pavarësisht përpjekjes së shumë qytetarëve që rastisën në vendngjarje.
Klaudia Xhaferraj ishte nënë e dy fëmijëve. Ajo la pas një djalë të mitur, i cili ishte në shtëpi kur aksidenti ndodhi.
Klaudia ishte martuar që 17 vjeç dhe për 25 vjetor, bashkëshori i kishte blerë makinën që u aksidentua. Ajo kishte vetëm 20 ditë që e kishte marrë patentën.
Trupat e pajetë janë nxjerrë nga banesa rreth orës dy dhe gjatë gjithë ditës në lagjen ku jetonte Klaudia ka pllakosur heshtja.
