Ish-banori i Big Brother VIP Albania 3, Jetmir Salaj, ka bërë një reagim të fortë në rrjetet sociale, duke kritikuar mënyrën si po drejtohet spektakli këtë edicion.
Në një postim që ka tërhequr vëmendjen, Jetmiri ka përmendur moderimin e Ledion Liços, teksa i reagon një postimi të aktorit Jul Deda, ku ky i fundit përgëzon Ledionin për “gjetjen” e Gjestit.
“Unë të di për djalë të zgjuar, @juldeda. Nuk po e sheh që Ledioni po sperdridhet e s’po del show ku duhet të dali? Nuk po e sheh që nuk po prodhon para? Nuk po e sheh që mbarojnë primet bukë me sallam? Mu kujtuan ato sufllaqet e byrekët që filluat të hanit kur u largova. Se të paktën, sa kohë isha unë, patëm ca ushqim të mirë dhe verë serioze. Apo jo, @franceska_murati?”, shkruan Jetmiri në InstaStory.
Kujtojmë që Jetmir Salaj ishte banori më i komentuar sezonin e kaluar, pavarësisht se hyri 50 ditë pas nisjes së spektaklit.
Megjithatë pas përrplasjes me Ledionin asokohe dhe produksionin, Jetmiri vendosi të largohet menjëherë nga spektakli.
