Javën e shkuar, pas urimit që Dea i bëri për datëlindje, urim që ngjalli mjaft dyshime për një lidhje të mundshme mes tyre, Krist Aliaj Dragot u “detyrua” të sqaronte publikun se me finalisten e “BBVIP” kishte vetëm një miqësi shumë të mirë, ndërsa bëri me dije se kishte nisur një romancë me dikë tjetër. Në atë kohë, ish-banori i shtëpisë më të famshme në Shqipëri nuk zbuloi detaje, ndërsa këtë duket se ka zgjedhur ta bëjë sot, në një intervistë për “Ftesë në 5”, duke folur për herë të parë për partneren e re.
Kështu, Kristi zbuloi se vajza që “ia ka marrë zemrën” është shqiptare, brune, studion në Angli dhe siaps tij është shumë ndryshe nga vajzat e tjera ‘tipike shqiptare’, teksa ka bërë me dije edhe si janë takuar.
“U takuam në një ekspozitë dhe më bëri shumë përshtypje se nuk kishte lidhje me vajzat tipike shqiptare. Në fillim bëri sikur nuk më njihte, ishte shumë e thjeshtë dhe më pëlqeu. Filluam folëm për art, bëmë foto që orën e parë. Pastaj u takuam pas një jave dhe folëm prapë për art. Kur themi folëm për art, nënkupton shumë gjëra të bukura, full çdo gjë”,- tha ndër të tjera Kristi, duke nënkuptuar nga mënyra e të treguarit se e kishin konsumuar lidhjen që javën e parë.
Po ashtu, nuk mund të mos fliste edhe për mendimin e Robertit për këtë marrëdhënie, ndërsa tha se ka aprovimin e plotë të tij, ndërsa nuk ngurroi të tregonte se dashuria mund ta çojë edhe në Angli. Gjithsesi emrin dhe foton e saj ende nuk na e zbuloi, kështu që për këtë na mbetet të presim.
