Tre edicionet e mëparshme të “Big Brother VIP” deri më tani me banor VIP mjaft të spikatur, kanë përcjellë tek publiku shqiptar emocione të forta. E teksa ka kaluar vetëm pak kohë nga përfundimi i edicionit të tretë, të gjithë fansat e ketij formati janë kureshtar për “BBV4”
Publiku po pret me padurim nisjen e spektaklit të madh të “Big Brother VIP”, i cili kësaj radhe do të vijë me ndryshime. Përveç banorëve VIP, pjesë e këtij edicioni do të jenë edhe njerëz të thjeshtë, të cilët dëshirojnë që të ndajnë historitë e tyre.
Deri më tani faqja zyrtare e Instaramit të “BBV4” ka publikuar 4 video të banorëve të këtij edicioni, ku shfaqen në mënyrë misterioze duke mos zbuluar fytyrën e kështu identiteti i tyre ka ngjallur spekullime nga ndjekësit duke hamendësuar se kush mund të jenë personazhet që shfaqen në video.
Kush do të jenë banorët? Me performanca ekskluzive dhe shumë surpriza. Të shtunën, nën drejtimin e Ledion Liços, vetëm në Top Channel!
