Pak nga pak po bëhen bashkë të gjitha copëzat e mozaikut të filmit “ Në kuadër të dashurisë”. Thënë kjo, përveç aktorëve dhe roleve të tyre, trailerit, datës së premierës, apo ngjarjet në film, së fundmi bëhet i ditur dhe një tjetër detaj. Të gjithë kemi qenë mjaft kuriozë për të dëgjuar kolonën zanore të filmit, që kur kemi parë Luizin në prapaskenat e xhirimit në Korçë duke performuar në skenë.
Dhe ja ku erdhi momenti i duhur. Ai ka publikuar këngën e tij të re që është kolona zanore e “Në kuadër të dashurisë”. Kjo këngë mban titullin “Pa ty” dhe është e sigurtë që do t’ju shkrijë zemrat.
