Ron Zaiti ka folur së fundmi në emisionin “Krejt n’debat” për prishjen e raporteve me Dafina Zeqirin, një bashkëpunëtorë me të cilën ka punuar në disa projekte muzikore më parë.
Ai ka treguar se marrëdhënia mes tyre është ndërprerë për arsye personale.
Sipas artistit, në botën e biznesit dhe artit nuk janë gjithmonë gjërat siç duken dhe shpesh midis njerëzve lindin hatërmbetje që ndikojnë në raportet personale dhe profesionale.
Tutje theksoi se për shkak të disa situatave personale, raporti me Zeqirin është prishur në mënyrë të plotë dhe aktualisht nuk kanë asnjë kontakt mes tyre.
“Me Dafina Zeqirin nuk kemi kontakt fare, nuk kemi asnjë lloj raporti”, theksoi Roni në intervistë.
Ai shtoi se marrëdhënia e tyre nuk është as e mirë, as e keqe, por një lloj distancimi që ka bërë që ata të mos komunikojnë fare, madje as për gjërat më të thjeshta si “si je” apo “a je mirë”.
Ron përmendi se në të kaluarën kanë bashkëpunuar në projekte muzikore, duke treguar se kanë pasur një raport profesional, por që për shkak të mosmarrëveshjeve personale, kjo marrëdhënie është zbehur deri në atë pikë sa të mos kenë më asnjë lloj kontakti.
