Regjisori i filmit më të përfolur të momentit, “Në Kuadër të Dashurisë”, Koloreto Cukali, ka qenë i ftuar së fundmi në programin “Pardon My French” në TAR.
Në këtë intervistë ai ka treguar detaje të tjera nga filmi, si dhe ka folur për disa mesazhe dhe komente të cilat e kanë habitur.
Regjisori u shpreh se përgjithësisht publiku ka patur një qasje pozitive ndaj filmit, ama një pjesë e kanë akuzuar se po i prish familjen Luizit.
Kjo për shkak se Koloreto e ka vënë këngëtarin të luajë këtë rol me Oltën, si dhe komente se përse po shkatërron kinemanë shqiptare duke futur Luizin në film.
“Kam marrë dy lloj komentesh që më kanë habitur shumë dhe më kanë shqetësuar për gjendjen e shoqërisë shqiptare. Kam marrë komente që më akuzonin se po prish familjen e Luizit, duke e vënë të luajë me Oltën. Më duket shumë e habitshme që disa njerëz që nuk e njohin fare personalisht çiftin, shqetësohen për ta, kur vetë çifti është shumë ok me filmin dhe aktrimin. Sikurse kam marrë komente ku më akuzonin se përse po shkatërroj kinemanë shqiptare duke futur Luizin në film. Dhe të dyja palët kam idenë se nuk e kishin parë filmin”- u shpreh Koloreto ndër të tjera.
