Pas ndarjes së konfirmuar prej kohësh me Xhensila Myrtezajn, duket se Bes Kallaku po e ndjek në heshtje gjithë zhurmën rreth jetës së saj të re sentimentale.
Këngëtarja është përfolur për një lidhje të re me reperin Ledri Vula, pas disa paraqitjeve të afërta mes tyre – përfshirë pushimet në Ibiza dhe urimin e saj të fundit publik për ditëlindjen e tij: “Urime ditëlindjen, mbret”, shkroi ajo në Instagram.
Ndërsa rrjeti është i fokusuar tek Xhensila dhe Ledri, Bes Kallaku nuk ka reaguar asnjëherë publikisht për këtë raport të ri, as ndaj ish-bashkëshortes, as ndaj reperit.
Në vend të kësaj, ai ka zgjedhur të shfaqet tërësisht i tërhequr nga kjo histori, duke postuar sot një foto në Instagram, ku shihet krah gjyshes së tij, Ije-s.
Ky veprim është interpretuar nga ndjekësit si një mënyrë për të treguar se është i fokusuar tek familja dhe jeta e tij personale, larg vëmendjes mediatike që po i dedikohet ish-partneres.
