Një shpërthim i fuqishëm ka ndodhur pak minuta më parë në qendër të qytetit të Milanos në Itali.
Sipas mediave italiane, ngjarja ka ndodhur në zonën e Porta Romana dhe është shkaktuar nga shpërthimi i një makine të ngarkuar me disa bombola oksigjeni.
Shpërthimi ka qenë tepër i fortë duke shkaktuar djegien e të paktën pesë makinave dhe katër motorave që ndodheshin pranë.
Për fat të mirë nuk raportohet për viktima, por vetëm një person të plagosur me djegie në dorë.
Flakët kanë përfshirë edhe një apartament si dhe një farmaci, ndërsa shtullunga e tymit është parë nga disa kilometra larg.
Forca të shumta të zjarrfikëses kanë mbërritur tashmë në vendngjarje dhe kanë kryer evakuimin e zonës.
