Të dielën që lamë pas, ishte Xhoana e eliminuara e rradhës në “Love Island”. E teksa të gjithë prisnim që ish-partneri i saj në lojë, Arlindi, të vuante sado pak largimin, ndodhi krejt e kundërta.
Pas 72 orësh, Arlindi shprehu pëlqimin e tij për Uedën të cilën edhe e ftoi te foleja e dashurisë. Nga ana tjetër edhe Ueda u pa shumë e afërt dhe e lumtur me veprimin e Arlindit.
E duket se gjithë këto situata të krijuara, nuk i kanë pëlqyer aspak Xhoanës e cila po i ndjek tanimë nga jashtë. Përmes një bisede virtuale me ndjekësit e saj në Instagram, ajo ka folur gjatë rreth ngjarjeve të fundit të krijuara në vilë.
Xhoana është shprehur se ndihet e zhgënjyer nga veprimet e Erlindit dhe beson se marrëdhënia e tij me Uedën nuk është aspak reale, por është në interes të të dyve për vazhdimësinë e lojës.
Sa i takon Uedës, ish-ishullorja u shpreh se ka qenë e para që e ka afuruar, por tani po e kupton vërtetë fytyrën e saj, duke e cilësuar si thëngjill të mbuluar.
E pyetur nëse po e pret Arlindin jashtë, Xhoana u shpreh se pavarësisht ndjenjave të vëteta që ka pasur për të, është shumë e vështirë të ketë një kthim pas. Megjithatë nga përgjigja e saj, kuptuam që nëse Arlindi do të këmbëngulë, edhe mund ta rifitojë Xhoanën
E sa i takon ciftit më real brenda vilës së dashurisë, Xhoana zgjedh Aleksandrosin me Eridën, duke u shprehur se është hera e parë që ai krijon ndjenja për një vajzë aty brenda. Duke treguar kështu se ish-marrëdhënien e tij me Uedën nuk e ka parë si dicka reale.
