Dy miqtë e ngushtë të Luiz Ejllit prej vitesh, Joni dhe Mario, kanë qenë të ftuar ditën e sotme në një intervistë për “Ftesë në 5” pas suprizës që i bënë këngëtarit spektaklin e shkuar të BBV.
Ata folën për miqësinë e tyre qysh në fëmijëri, cilësitë e karakterit të Luizit jashtë shtëpisë së BBV, marrëdhënien me Kiarën, por edhe për çështjen që krijoi bujë më së shumti, sëmundjen e tij.
Joni dhe Mario treguan se nuk kanë qenë në dijeni të ndonjë shqetësimi shëndetësor gjatë gjithë këtyre viteve që e njohin, mirëpo u shprehën se kjo mund të ketë qenë një mënyrë e menduar nën presionin e lojës për t’iu afruar Kiarës më shpejt.
“Nuk mund ta komentojmë se ajo është gjyq i kryer publikisht. Besoj se ka ndikuar edhe pjesa që ka nevojë njeriu që gjen mjete rrethanore për të qënë i brishtë ose për t’u futur në konfidencë me dikë. Ndoshta edhe nësë ka pasur diçka më minore e ka zmadhuar që të afrohet shpejt me dikë. Për aq sa unë e njoh, jo nuk është i sëmurë. Luizi fle në 2 të mëngjesit dhe çohet në 6 të mëngjesit. Ka presion, sigurisht. Ndoshta ka provuar duke matur pulsin, duke bërë dhe viktimën se ka parë po të bëj kështu jam gabim, po të bëj ashtu jam gabim. Se e ka parë se javët e para nuk kanë qënë të mira”
