Kohët e fundit, fifi ka qenë në qendër të vëmendjes së mediave rozë jo për shkak të këngëve të saj, që gjithmonë janë të vecanta dhe hite, por për historinë e saj të dashurisë.
Prej disa muajsh, Fifi po përjeton një romancë të bukur me Adis Patushin. Dyshja është kudo bashkë dhe duken shumë të lumtur me njëri-tjetrin, caste nga lumturia e tyre i publikojnë dhe në rrjetet sociale.
Ndërkohë Fifi do të publikojë një këngë dhe lajmin e ka bërë me dije vetë këngëtarja. Argjira Spanca, mikeshë e Fifit ka publikuar një video në Instastory ku duket duke kënduar, por videoja nuk ka zë në sfond.
“Gjejeni çfarë po këndoj,” – shkroi moderatorja bashkangjitur. Videoja është ripublikuar nga Fifi e cila ka shkruar se Argjira po këndon këngën që del nesër me Gent Fatalin.
Vetë Fifi ka bërë me dije bashkëpunimin që del në treg më 28 prill, por ende nuk dihet asnjë detaj për orën apo zhanerin e këngës.
Hiti i fundit i Fifit ishte kënga që i dedikoi partnerit të saj Adis Patushit në bashkëpunim me Dj Dagz dhe PM, titulluar “Hana” dhe ne nuk kemi dyshimin më të vogël që bëhet fjalë përsëri për një hit.
