Përplasja mes Tan Bramës dhe Ilir Shaqirit vazhdon. Ditën e djeshme i ftuar te “Rudina”, Iliri u shpreh se koreografi mezi lidhte fjalët në “Big Brother VIP” dhe se ai e kishte ndihmuar.
“Problemi i Tanit është që në 21 ditë që qëndroi brenda shtëpisë, mezi arriti të lidhte 21 fjalë. Dhe i vetmi person që i dha akses në atë shtëpi për sa i përket komunikimit ishte Ilir Shaqiri. Dhe nëse Dritan Brama nuk di ta vlerësojë këtë gjë, atëherë është problemi i tij”, tha mes të tjerash Iliri.(Lexo këtu)
Kjo deklaratë nuk është pritur aspak mirë nga Tani, i cili ka publikuar në rrjete sociale një bisedë me Ilirin, ku ky i fundit i ka shkruar “Po k*ri po”.
“Ky është fituesi i “Big Brother VIP” dhe shiheni çfarë gjuhe përdor”, ka shkruar ai.
Më tej Tani ka bërë status ku e quan Ilirin “dështak”. “Ça nderi më ke bërë te Big Brother VIP ti o dështak se sa u futa unë të bëra me lëviz se kishe zënë ndryshk. Mbështetjen e kisha nga Donaldi që më shpëtoj në zinxhir e jo nga ty. Ti shpëtove tenistin apo e harrove? Shko kap ndonjë peshk se atë din të bësh më mirë”, ka përfunduar koreografi.
