Aktori Donald Veshaj ka sqaruar një herë e mirë thashethemet për emisionin që iu ofrua së bashku me vëllain e tij binjak, gjatë kohës kur ishte brenda shtëpisë së BBV.
Donald Veshaj ka publikuar në llogarinë e tij në Instagram, ku jo vetëm ka konfirmuar që emisioni do të realizohet, por ka bërë të ditur edhe datën e nisjes.
“Mos më bëni të flas”– ka shkruar ai krahas videos, ndërsa bëri të ditur se emisioni do të startojë më datë 29 prill dhe do të transmetohet çdo të premte.
Kur ishte në shtëpinë e famshme atij iu ofrua emisioni Prime-time me të vëllain, Romeon, në Top Channel, që do mbante titullin “Më lër të flas”.
Pas finales ata fshinë nga rrjetet sociale promon e emisionit teksa u tha se ka patur përplasje mes tyre dhe produksionit. Dy vëllezërit Veshaj nuk bënë asnjë reagim atë periudhë.
Por keqkuptimet u sqaruan dhe dy vëllezërit duke filluar nga e premtja e 29 prillit dhe në vijim do jenë prime-time në TCH me emisionin e tyre “Më lër të flas”.
