Një intervistë e ditës së sotme e fituesit të “BBVIP”, Luiz Ejllit, për “Shqipëria Live” tërhoqi mjaft vëmendje, kryesisht sepse këngëtari foli për herë të parë të vërtetën e tij në lidhje me personat që gjatë muajve të reality show-t kanë pretenduar se janë miqtë e tij.
Luizi u shpreh në mënyrë ironike për Meridian Ramcajn se nuk e kishte mik dhe e njihte aq sa njihte drejtuesin e emisionit ku ishte (në këtë rast Arjon Muca).
Ndërkohë, kanë mjaftuar pak orë dhe shumë reagime në rrjet nisur nga deklarata e Ejllit, që edhe vetë Meridiani të shprehej në lidhje me raportin e tyre.
Meridiani ka postuar në InstaStory-n e tij një shprehje e cila thotë:
“Nëse dikush është i keq me ju, fillimisht provoni dashurinë. Nëse kjo nuk funksionon, dhembshurinë. Nëse edhe kjo nuk funksionon, provoni distancën”.
Pra Meridiani ka zgjedhur të mos i përgjigjet drejtpërdrejtë Luizit, por me anë të kësaj shprehje na bën me dije se mes tyre do ketë veçse distancë nga tani e në vazhdim.
