Pas Lorit, rradhën për të qenë e ftuar në “Më lër të flas” e ka patur Sara. Pak orë para transmetimit të emisionit, Donaldi ka postuar një foto që ka nxitur menjëherë reagimin e Lorit.
Ai ka pozuar me një bluzë ku i ka vendosur vizën emrit të Lorit dhe mban vetëm emrin e Sarës. “Tradhtar ngele”, i shkruan Lori. Ndërsa Sara e ka marrë me të qeshura dhe i është përgjigjur: “Haha pagesa për intervistën besoj”.
Sara do të jetë sonte e ftuar në emisionin “Më lër të flas” dhe në promon e publikuar ajo shihet e veshur me një fustan të ngushtë, i cili i tregon barkun e rrumbullakosur.
Kujtojmë se kjo është hera e parë që Sara shfaqet në ekran gjatë shtatzënisë dhe nuk pritej ta shihnim në emision, duke qenë se zakonisht personazhet e njohur nuk para preferojnë të dalin në ekran kur janë shtatzënë.
Sara ka folur për shtatzaninë e saj, për marrëdhënien me Ledionin, me Lori Hoxhën, për projektet në televizion e shumë gjëra të tjera.
Ndërkohë i ftuari i radhës do jetë Arbër Hajdari, që me siguri me deklaratat e tij dhe pyetjet thumbuese të Donaldit me Romeos do bëjnë xhiron e rrjeteve sociale.
