Këngëtarja e njohur shqiptare Leonora Jakupi ka reaguar pas deklaratës prekëse të Beatrix Ramosajt në lidhje me bullizmin ndaj saj për vështirësinë me gjuhën shqipe.
Leonora Jakupi, ka komentuar në postimin që Beatrix ka shpërndarë mbrëmë në Instagram duke shprehur mbështetjen e saj për kolegen në këto ditë të vështira pas daljes nga Big Brother VIP.
“Ky është çmimi që duhet të paguajmë duke qenë njerëz publik. Të gjykojnë, të paragjykojnë, të shajnë, të përbuzin etj duke mos vënë veten asnjëherë në pozitën e tjetrit! Bëhu vajzë e fortë ashtu siç je dhe krenare nga je, kush je dhe nga kush ke marrë gjithë këtë edukate mos e bukura Beatrix. T’i marshin të ligat ty ata që të bullizojnë”, -shkruan ajo.
Triksa ka postuar mbrëme një video që sipas saj është mbështetje për të gjithë personat që vuajnë nga bullizmi dhe cyberbullizmi (Bullizmi në internet, rrjetet sociale).
“Kjo video është për të gjithë personat aty jashtë ku bashkë me mua kanë vuajtur nga bullizmi. Unë zgjodha të hesht duke menduar që e gjithë kjo ishte pasojë e pjesëmarrjes në një program ku jeta private bëhet publike, por ASGJË nuk është nje justifikim për Cyber Bullying.
Unë nuk e meritoj, ti nuk e meriton, prandaj mos u nënshtro! Le të jetë ky një mesazh force që ti nuk je vetëm, por jemi bashkë. Duke i dhënë dorën e duke përkrahur njëri-tjetrin ta bëjmë këtë një botë më të mirë.”- shkruan Beatrix.
