Një ditë më parë, Arbana Osmani dhe Eduart Grishaj u bënë prindër të një vajze të cilën e kanë quajtur Zoi. Ishte vetë moderatorja që zbuloi lajmin e bukur përmes një postimi në rrjete sociale.
Ajo ndau një fotografi me të bijën ndërsa përshkroi dhe emocionet e para si nënë e një vajze. “Dreams do come true! Bekimi i tretë i jetës sime sot na mbushi plot Jetë; Mirë se vjen Zoi!
Unë, babai yt dhe vëllezërit e tu që tani po çmendemi pas vajzës që aq shumë kam ëndërruar”, shkroi moderatorja. Ndërkohë, së fundmi, ajo ka treguar se e kanë vizituar në spital dy persona të veçantë.
Arbana përveç si moderatore, është shfaqur dhe si shkrimtare përmes dy librave të gatimit që ka botuar. Mirëpo, duket se libri dytë është “përqafuar” pafund nga adhuruesit e kuzhinës dhe ka mbaruar në treg.
Përmes një postimi në Instagram, Arbana ka njoftuar se ka vendosur mos ta ribotoj për shkak se është rritur çmimi i lëndës së parë dhe rrjedhimisht dhe çmimi i librit dyfishohet. Kështu Osmani ka vendosur mos ta hedh më në treg pasi nuk e konsideron si biznes.
“Libri im i dytë me receta gatimi është “sold out”prej shumë muajsh, dhe çdo dite marr me dhjetëra mesazhe nga ju që më pyesni se ku mund ta gjeni…
Për shkak të rritjes së cmimeve të lëndës së parë të printimit kam vendosur të mos e ribotoj, pasi ribotimi do ta dërgonte në treg me dyfishin e çmimit të mëparshëm dhe gjykoj që kjo thjesht nuk është e drejtë Librat e mi me receta nuk i kam parë dot si biznes, por më shumë si një mundësi për të ndarë grimca nga jeta ime në kuzhinë me ju; kështu që derisa të gjejmë kohë për receta të reja (me këto ritme fëmijesh nga 2034 ) do ndajmë receta të shijshme dhe të shpejta këtu në IG ”, ka shkruar ajo krahas fotos së kopertinës së librit.
