Telenovela e ndarjes dhe bashkimit së ish-konkurentëve të Përputhen, Andit dhe Melisës, u bë akoma më interesante kur disa ditë më parë kjo e fundit u pa në shoqërinë e Majk. Melisa u fotografua me reperin e njohur në një prej hoteleve të Tiranës dhe menjëherë u raportua se mund të kishte një lidhje mes tyre, cka do të thotë se historia e saj me Andin kishte mbaruar një herë e mirë.
E nëse këtë të dytën mund ta konfirmojmë që ka ndodhur, arsyen për këtë do e lexoni pak më poshtë, për lidhjen me Majk mesa duket nuk ka asgjë të vërtetë, të paktën kështu thotë vetë Melisa. Në një intervistë të fundit për “Prive” ajo është shprehur se ata nuk janë asgjë tjetër vecse kolegë.
“Mua me kë s’më kanë lidhur që kur jam ndarë. Jemi takuar rastësisht. Majkun e njoh nëpërmjet rrjeteve sociale. Është koleg, nuk ka asgjë”,- shprehet Melisa, ndërsa po ashtu ka zbuluar nëse ka dikë në jetën e saj për momentin:
“Tani jam mbushur me një dashuri të re, që është vetja ime. Jam mirë edhe vetëm. I jam futur me kokë muzikës. Nuk e kam me të shpejtë, kam fokuse tjera për momentin”
Pra Melisa nuk është në një lidhje me Majk, dashuri për momentin ka vetëm për veten e saj dhe muzikën dhe kjo është edhe arsyeja pse mendojmë se historia me Andin ka mbaruar përfundimisht.
