Skafi i cili përplasi për vdekje një vajzë 7-vjeçare sot në plazhin e Potamit është larguar nga vendi i ngjajres. Gomonia e policisë kufitare ka tërhequr skafin “Nëna 154” me dy motorë 2 x 300 hp që drejtonte polici Arjan Tase.
Mjeti i fuqishëm do të qëndrojë i bllokuar te mjetet lundruese në Himarë. Ende nuk dihet nëse Tase ka patur patentë për drejtimin e këtij mjeti lundrues pasi një skaf me fuqi motorike të tillë ka nevojë për patentë specifike.
Ndërkohë vlen të thuhet se pushuesit kanë braktisur plazhin e Potamit menjëherë pas ngjarjes së rëndë.
