Vëllai i Madh informoi banorët e shtëpisë më të famshme në Shqipëri se përgjatë ditës do të futen disa personazhe, por se konkurrentët nuk duhet të reagojnë.Arritja me sukses e kësaj prove do bënte që çmimit final do i shtohej 10 mijë euro.
Më parë u fut fituesi i BBVip 1, Ilir Shaqiri, dhe me hyrjen e tij, banorët e thyen rregullin direkt duke e takuar të gjithë Ilirin, e askush nuk respektoi rregullin e mosreagimit.
Më pas Vëllai i Madh futi brenda shtëpisë një qen golden retriever që ishte i Oltës. Kur Luizi po e përkëdhelte duket se qeni u bezdis duke iu sulur dhe lehur por pa rrezik, pasi qeni ishte duke luajtur.
Vëllai i madh i ka vënë banorët me provën e mosreagimit. Ata nuk duhet të reagojnë para situatave që do shfaqen në shtëpi, por banorët nuk e kanë marrë provën aspak seriozisht. Me të hyrë Ilir Shaqiri disa prej banorëve kanë shkuar ta takojnë duke thyer rregullin.
E para ishte Olta, e cila pasi përqafoi Ilirin, e pyeti edhe se çfarë bëhet jashtë. Iliri nuk dha informacione dhe doli në oborr për të takuar Luizin e të tjerët.
I pyetur nga Luizi se cili mendon që do e fitojë Big Brother, Iliri u përgjigj: E fiton ai që hyn i pari dhe del i fundit. Pasi Luizi i tha se ai ka hyrë i fundit, Iliri ia ktheu se këtë vit mbase është e anasjellta.
