Para pak çastesh është varrosur vëllai i mitur i këngëtarit të njohur nga Peja, Gjesti (Besart Kelmendi).
Ceremonia mortore është zhvilluar në varrezat e fshatit Pavlan, ku qindra qytetarë, familjarë, miq e të afërm janë mbledhur për t’i dhënë lamtumirën e fundit të ndjerit.
Atmosfera ka qenë e rënduar, ndërsa dhimbja e familjes Kelmendi është ndarë edhe nga shumë figura publike, të cilët kanë marrë pjesë për të shprehur ngushëllimet dhe përkrahjen në këtë moment tragjik.
Në mesin e të pranishmëve ka qenë edhe këngëtarja e njohur Xheneta Fetahu, e cila ka ardhur personalisht për të përqafuar familjen dhe për t’u gjendur pranë tyre në këtë ditë zie. Ajo, ashtu si shumë të tjerë, ka shprehur dhimbjen e thellë për humbjen e parakohshme të të ndjerit, duke theksuar rëndësinë e mbështetjes ndaj familjes në këto momente të vështira.
Ngushëllime të shumta kanë ardhur edhe përmes rrjeteve sociale, ku kolegë të këngëtarit Gjesti, figura publike dhe qytetarë të shumtë kanë shprehur keqardhjen dhe solidaritetin e tyre me familjen Kelmendi.
