“Tregu” i dramave shqiptare ka parë kohë pas kohe t’i shtohen lojtarë të rinj, që nga këngëtarët, artistët, moderatoret dhe shumë personazhe të tjerë të ekranit, megjithatë deri më tani nuk kishte pasur përplasje mes nutricionistesh, të paktën publikisht. Edhe pse në fakt nuk është një “betejë” e drejtpërdrejtë, përplasja më e shëndetshme ndonjëherë është mes dy prej emrave të njohur të këshillave për ushqimin dhe jetesën e mirë, që kanë zgjedhur rrugën e “thumbave” në rrjetet sociale, si për fillim.
Kështu, ka qenë Anila Kalleshi, e cila ka zgjedhur të kritikojë një “kolegen” e saj në lidhje me një informacon që kjo e fundit kishte dhënë në lidhje me personat që kanë probleme kardiake, duke i sugjeruar të konsumojnë dhjamin e mishit. Kalleshi mendon se e ka bërë këtë thjesht për viralitet sepse nuk ka bazë shkencore, ndërsa duke bërë një humlumtim të vogël, kuptohet se statusi i drejtohet Diola Dostit.
Ish-banorja e “BBVIP”, që prej vitesh e shohim në ekran me këshiilat e saj, po sidomos pas reality show-t ka marrë vëmendje të shtuar, ka zgjedhur që të reagojë pas deklaratës së Anilës, duke bërë një postim ironik në Instagram. Diola ngre pyetjen se si quhen këto dietologet me 7 grada shkencore që dobësojnë gjithë dynjanë, por kanë nevojë të shkojnë vetë tek dietologia dhe pyetjen e ka për një “fansen” e saj.
Pra mund të themi që zyrtarisht kemi “luftë” dhe ne jemi këtu për këtë! Dramat që nuk e dinim që na duheshin…
