Si një opinioniste e një prej programeve më të ndjekur, Zhaklin Lekatari nuk e ka patur të lehtë të përballet me sulmet e shpeshta nga fansat e banorëve.
“Jam kërcënuar shumë. Një eksperiencë e bukur dhe e vështirë. Ja vlejti!”- me këtë fjali Zhaklina përshkroi përvojën si opinioniste.
Në një intervistë për emisionin “E Diell”, ajo sqaroi gjithashtu edhe sugjerimin e saj në lidhje me Kiara Titon dhe Luiz Ejllin, që të kryenin marrëdhënie brenda shtëpisë.
“Kur thashë se dua seks, nuk thashë se dua seks në TV. Ishte një provokim për shkak të dinamikave që kishin ndodhur. Për arrogancën që po tregonte Kiara pasi rihyri në shtëpi, të binte në grackë bëra këtë deklaratë”, tha Lekatari.
Ndërsa e pyetur nëse ka pasur përplasje me Kiarën apo familjarët e saj, gazetarja u shpreh:
“Jo, nuk kam pasur përplasje me të, por me familjarët e saj. Kanë pasur edhe me banorët e tjerë, për qëndrimet dhe opinionet që kanë dhënë”.
