Situatat e “çuditshme” në Big Brother Vip Kosova vazhdojnë të ndodhin dita ditës. E fundit, vjen nga Getinjo, i cili ka nominuar partneren e tij, Vivien, me të cilën ka dhe një raport romantik.
Me shumë gjakftohtësi, reperi u shpreh se këtu janë në një lojë dhe pavarësisht se çfarë e ka ai Vivienin, ajo mbetet sërish një lojëtare.
Getinjo kishte radhën e nominimeve dhe nisi: “Këtë herë, me të gjithë respektin që kam për to, kam vendosur të nominoj njerëz që janë më pak aktivë,
që nuk janë duke marrë pjesë në debate, që janë duke iu shmangur muhabeteve, që shkurt e shqip, nuk janë shumë të përfshirë nëpër tema.
Personi i dytë është Vivi, sepse ndoshta e kam penguar unë dhe jam fajtor. Dua t’i jap një arsye, ta ngjall pak, që të tregojë veten se kush është dhe unë jam i drejtë dhe mendoj se edhe publiku që më ndjek, mendon si unë”.
Kjo zgjedhje e Getinjos hapi publikun dhe moderatorët. Ndërsa opinionisti Olti Curri e përgëzoi Getinjon për lojën e tij gjakftohtë, si dhe theksoi se kjo ndodh për herë të parë në një reality show ku krijohen çifte. “Getinjo po bën një lojë të ftohtë dhe të drejtë” u shpreh Olti.
