Sezoni i katërt i Big Brother VIP Albania ka nisur me ndryshime interesante dhe surpriza të reja për banorët. Përveç përfshirjes së personazheve jo publikë, në shtëpinë më të famshme të Shqipërisë janë shtuar elementë që rrisin intensitetin e lojës.
Moderatori Ledion Liço ka prezantuar një nga risitë kryesore: gjashtë kuti me avantazhe që ndodhen brenda shtëpisë. Mes këtyre avantazheve janë:
Biletë kthimi
Çek me 500 mijë euro
Unazë simbolike
Informacion nga jashtë
Ftesë për personin e zemrës
Imunitet
Megjithatë, çdo avantazh vjen me një çmim. Ledioni paralajmëroi:
“Për të përfituar një nga këto avantazhe, duhet të thyeni xhamin e kutisë. Por kujdes! Çdo avantazh shoqërohet me një dënim, që mund të prekë individualisht ose kolektivisht të gjithë banorët.”
Ky mekanizëm pritet të krijojë dinamika të reja dhe situata emocionuese brenda shtëpisë, duke i vendosur banorët përballë dilemave të vështira.
BBV4 ka nisur më 21 dhjetor me 17 konkurrentë nga fusha të ndryshme. Opinionistë këtë sezon janë Arbër Hajdari dhe Neda Balluku, të cilët do të analizojnë dhe diskutojnë mbi zhvillimet në shtëpi.
Me këto ndryshime intriguese, ky edicion duket se do të jetë ndër më emocionuesit deri tani.
