Mbrëmjen e parë të “Big Brother VIP Albania 4” nuk munguan momentet provokuese. Egli Tako, influencere dhe trajnere personale fitnesi, u bë banorja e parë që iu bashkua shtëpisë. Megjithatë, vëmendjen e mori një situatë e krijuar nga moderatori Ledion Liço.
Gjatë prezantimit të një banori të ri, Ledioni iu drejtua Eglit me fjalët: “Shko tako Olsin”, pa përmendur mbiemërin. Ky koment u interpretua menjëherë si një referencë ndaj Olsi Bylykut, aktori i humorit i njohur për lidhjen e tij të kaluar me Eglin.
Pas këtij momenti, Olsi reagoi përmes një postimi në llogarinë e tij të Instagram-it. Ai ndau një foto ku shfaqej duke kaluar kohë me partneren e tij aktuale, duke lënë të kuptohet qartë që jeta e tij ka marrë drejtim tjetër dhe nuk i interesojnë spekulimet rreth së shkuarës.
Edhe pse reagimi i Olsit ishte i qetë dhe indirekt, fansat kanë nisur të komentojnë mbi mundësinë e një rikthimi të tensioneve mes tij dhe Eglit. Ndërkohë, brenda shtëpisë së BBV4, banorët janë fokusuar në dinamikat e tyre të para, duke pritur se çfarë të papritura do të sjellë ky sezon.
Rikthimi i Ledionit si moderator duket se ka nisur me shumë kuriozitet dhe provokime, një qasje që, mesa duket, do të vazhdojë edhe në javët e ardhshme.
