Nuk bëjnë përjashtim as bibliotekat, të cilat, gjithashtu, krijojnë dhe përpunojnë “evidencat” e njësive bibliotekare që shërbejnë apo, thënë me një gjuhë më të kohës, të burimeve të informacionit që disponojnë në asetet e veta.
Kësisoj ato krijojnë lista me të dhëna numerike për të matur masën e materialit të shkruar dhe të autorëve të tij, si shprehje e arritjeve në të gjitha degët e veprimtarisë njerëzore.
Bibliografia e përgjithshme kombëtare mund të jetë korrente52, kur ka të bëjë me prodhimin libror bashkëkohës, ose retrospektive53, kur ka të bëjë me prodhimin libror të një periudhe të kaluar.
Megjithëse këto dy lloje bibliografish duket të kenë mjaft gjëra të përbashkëta, hartimi i bibliografive retrospektive është pakrahasimisht më kompleks.
