Beniada Nishani arriti që për një kohë shumë të shkurtër të fitojë zemrat e publikut shqiptar.
Natyra e saj positive dhe humori bënë që Beniada të shndërrohet në personazh të dashur gjatë pjesëmarrjes së saj në BBV.
Së fundmi modelja mori pjesë në festivalin e Venecias dhe fotot e saj duke shkëlqyer në tapetin e kuq u shpërndanë kudo.
Pas komplimenteve që mori për paraqitjen, Beni përmes rrjeteve sociale zbuloi se ky nuk ishte festivali i parë Italian ku ajo mori pjesë.
Me një foto të ëmbël nga fëmijëria ajo zbuloi se në fakt kishte marrë pjesë edhe në një “spektakël” tjetër në Itali, kur ishte e vogël.
“Nga Festivali i Venezia-s te festivali në San Giovanni Rotondo. Mami Linda ma tregoi këtë foto që kam kënduar dhe kërcyer në festivalin e shkollës. Nuk e di se çfarë kënge këndoja sepse “Parfumi ime” nuk kishte dalë akoma. Kaq kisha. Shihemi së shpejti me një këngë”- shkruan ajo.
