Në të vërtetë, të gjitha bibliografitë janë njëherazi enumerative, historike dhe analitike, megjithëse pranohet që ato deskriptive dhe tekstuale, duke qenë aplikative, më tepër se bibliografi të mirëfillta, duhen konsideruar disi më ndryshe.
Në të gjitha rastet duhet të dimë si ta analizojmë librin dhe si ta shqyrtojmë atë. “Çdo libër paraqet problemet e veta dhe duhet të shqyrtohet me metoda të përshtatshme për rastin e tij të veçantë”, shkruante Ronald B.
McKerrow 80 vjet më parë në një vepër klasike shumë të rekomanduar ende sot. P.sh. në rastin e bibliografisë historike synohet një pamje e gjerë e shtypjes dhe publikimit: ajo është kryesisht histori e librit, por nga një perspektivë bibliografike, dhe nuk përqendrohet aq shumë te ndikimi i librave në shoqëri dhe kulturë, por në të kundërtën e kësaj.
