Në shtator pritet që të nisë në Top-Channel programi i njohur i kërcimit “Dancing with the Stars”, ku moderatore do të jetë Bora Zemani. (Ka një mundësi në Gold Room të jetë Donaldi, por këtë se kemi të konfirmuar ende).
Por ama besojmë se i kemi rënë në kokë me një nga konkurrentët e parë të këtij formati dhe që është brenda shtëpisë së Topit. Kryefjala.com ka zbuluar se bëhet fjalë për moderatorin Isli Islami që do të jetë një nga konkurrentët e spektaklit.
Isli ka treguar që veç moderimit di të këndojë shumë mirë dhe këtë herë do ta shohim edhe të vallëzojë. Në dhjetor të vitit të kaluar ai ishte një prej moderatorëve të Festivalit të fundvitit.
