Në hartimin e kësaj bibliografie është dashur të gërshetohen dijet e bibliografit me ato të historianit të librit, ashtu siç është dashur të investigohet fondi i vjetër i librit shqip të BKSh, proces gjatë të cilit nuk kanë qenë të rralla befasitë bibliografike.
Kalimi i disahershëm nëpër duar i gjithë atyre thesareve kombëtare ka shkaktuar shpesh emocione të forta dhe të patreguara si për të kompensuar të vërtetën e pranuar përgjithësisht se hartimi i një bibliografie është një punë pedante, e lodhshme dhe e vështirë.
E sigurt është një gjë: çuarja deri në fund e punës së karakterizuar nga dukuri të tilla, si: entuziazëm, vlerësim i çdo hollësie me domethënie për përshkrimin, kënaqësi nga zgjidhja e dilemave bibliografike.
