Duke mos qenë një bibliografi e llojit të arsyetuar (apo e adnotuar) në asnjë rast nuk përshkruhet në këtë zonë përmbajtja e veprave.
Ç. Zona e gjendjes fizike, në të cilën shënohen veçanësitë fizike të njësisë që përshkruhet, si: dëmtime, fletë që mungojnë, lidhje ose vendosje gabim të fletëve, rilidhje, bashkëlidhje me njësi të tjera; shënime të dorëshkruara në faqen e titullit, nëpër margina ose në fund të tij, shënime të prejardhjes (ex-libris, vula të bibliotekave85, të ish-poseduesve të librit, autografë të autorëve etj.
Në këtë zonë janë pasqyruar edhe shënime në të cilat identifikohen dhuruesit e ekzemplarëve të ndryshëm (shpesh përmes tyre përcaktohet koha në të cilën njëri ose tjetri ekzemplar ka hyrë në koleksionet.
