Aktori i njohur, Olsi Bylyku ka humbur gjyshen e tij. Lajmin e trishtë e ka bërë me dije vetë ai përmes një postimi në rrjete sociale. Olsi ka ndarë në Instagram një status.
“Veç gëzim na dhe o Ije dhe kurrë në jetë nuk të harrojmë. Qofsh e xhehnetit dhe tani gëzoji engjëjt siç na gëzoje ne me çdo batutë tënden.”
Ndërkohë, kujtojmë që sa i përket jetës personale, Olsi ka qenë së fundmi i angazhuar në xhirimet e një filmi të ri. Ishte partnerja e tij, Egli tako, e cila zbuloi projektin e tij.
“Olsi po xhiron filmin e tij të ri, punë kolosale. Ndaj nuk po kalojmë shumë kohë bashkë. Faleminderit që interesoheni,” shkroi ajo.
Olsi Bylyku dhe Egli Tako kanë rrëfyer së fundmi historinë e tyre të dashurisë. Në fillim, Egli tregoi se ka qenë një fanse e Olsit me rolet e tij ndërsa ky i fundit tha se kishte interes për të dhe se i janë dashur 8 muaj për ta bërë për vete.
“Kemi ndenjur rreth 8 muaj njohje. kemi dalë për rreth 2 muaj dhe pastaj qëlluam sezon vere, dhe do ta bënte një dorë jetë.”, tha Egli ndërsa Olsi shtoi: “Mendojnë se ne që jemi të famshëm, na kthejnë përgjigje direkt gocat. Kam ndenjur tetë muaj. Çfarë ka kaluar ky shpirt”.
